सुस्वागतम्! नमस्कार मंडळी! "त्यांची कविता माझे गाणे" हा एक एक नवीन प्रयोग आपल्यासमोर सादर करत आहे.महाजालावरील काही कवी/कवयित्रींच्या कविता मला आवडल्या आणि मी त्यांना माझ्या कुवतीप्रमाणे चाली लावून माझ्याच आवाजात ध्वनीमुद्रित केलेल्या आहेत. या इथे तुम्हाला मूळ कविता वाचता येतील आणि त्याच बरोबर त्यांच्या चालीही ऐकता येतील. आपण इथे आल्याबद्दल मन:पूर्वक धन्यवाद! आपल्याकडून स्पष्ट आणि परखड मतांची अपेक्षा आहे ज्यामुळे मला इथे सुधारणा करता येतील. आपल्या मार्गदर्शनाचा फायदा घेण्यास मी उत्सुक आहे.
मी लावलेल्या चाली जर कुणाला वापराव्याश्या वाटल्या तर त्या कुणीही खुशाल वापरू शकतं...त्यासाठी माझ्या परवानगीची गरज नाही...
मात्र, इथल्या कविता वापरायच्या असतील तर संबंधित कवी/कवयित्रींची वैयक्तिक परवानगी घ्यावी लागेल हे कृपया लक्षात असू द्या ! अन्यथा ती चोरी ठरेल.

रविवार, १७ मे, २००९

गणेशवंदना!

’क्रान्ति’ने रचलेली ही गणेशवंदना पाहा. मुळात तिने हे मालकंस राग डोक्यात ठेवून लिहीलेय. त्याप्रमाणे मी ह्या गीताला मालकंसात चाल बांधलेय(त्यात काय विशेष म्हणा) आणि त्याच वेळी ही रचना मला भूप रागातही करावीशी वाटली. तेव्हा ऐका दोन्ही रचना.

गणेशवंदना!

सकल कलांचा उद्गाता
गुणेश गजानन भाग्यविधाता ||धृ||
प्रथम पूज्य हा शिवगौरीसुत
गणनायक शुभदायक दैवत
या विश्वाचा त्राता विनायक या विश्वाचा त्राता ||१||
आदिदेव ओंकार शुभंकर
मी नतमस्तक या चरणांवर
तू विद्येचा दाता गजमुखा तू विद्येचा दाता ||२||

क्रान्ति

दोन्ही चाली इथे ऐका.

१)भूप रागातली.
गायन आणि पेटीची साथ: केदार पवनगडकर
तबला: सुहास कबरे




२) मालकंसातील
ही मीच गायलेय....

1 टिप्पणी:

विदेश म्हणाले...

कविता आणि गाणे - दोन्ही छान . आवडले .